Xhamia Mbret (Xhamia e Sulltanit) Berat

Xhamia mbret (Ingurua)

Xhamia Mbret paraqitet tepër e transformuar nga faza e ndërtimit fillestar në fund të shekullit të XV. Gjatë viteve 1832-1833, monumenti rrezikohej të shembej, prandaj dhe iu nënshtrua një ristrukturimi gati të përgjithshëm, duke iu përshtatur teknikave ndërtuese dhe kushteve historike të periudhës. Faza e dytë e datimit i përket periudhës së gjysmës së parë të shekullit të XIX; shtohet pjesa e hajatit me kolonadë guri dhe suvatohet salla e lutjeve, duke imituar teknikën e skuadrimit të gurëve dhe vendosjes së tullave, që vihet re poshtë suvasë së dëmtuar. Përsa i përket ndërtimit fillestar, faza e parë e monumentit mendohet të jetë gjatë periudhës së sundimit të sulltan Bajazitit II (1481 – 1512), duke u nisur nga mbishkrimi i deshifruar në mafilin e xhamisë. Këtë periudhë datimi e mbështet edhe arkeologu francez Leon Rey

Salla e lutjeve (Ingurua)

Mjaft interesante shfaqen hapësirat në brendësi të xhamisë. Në sallën e lutjeve hyhet nga tre porta, dy anësore dhe një qendrore, e cila realizon edhe lidhjen me portikun nga ana veriore. Kjo sallë është e tipit me çati druri me përmasa në planimetri 15.40 x 12.10 m. Brendia e sallës së lutjeve furnizohet me dritë nga gjashtë dritare për çdo anë, përjashtuar atë veriore, ku salla e lutjeve takohet me portikun.

(Puntua)

Në krahun e djathtë të mirabit ndodhet minberi i lartësuar me shkallë që përfundojnë në një platformë, vendi ku qëndron imami gjatë ceremonive fetare

Minber (Ingurua)

Mirabi (Ingurua)

Mirabi ndodhet si zakonisht nga lindja dhe dallohet për punimin e bukur artistik të basorelievit

(Ingurua)