Xhamia e Parrucës Shkodër

Xhamia e parrucës (Oblast:)

Për nga vetë emri që ka, kuptohet se ndodhet në një nga lagjet më historike të qytetit të Shkodrës, në Parrucë. Xhamia i ka fillesat në 1937-ën dhe për kohën, konsiderohej ndër më të bukurat në vend. Ajo u ndërtua mbi truallin e një xhamie të vjetër, që nuk identifikohej për stil të veçantë. Xhamia e Parrucës kishte 2 minare të gjata pothuajse 40 metra, 3 hyrje dhe 3 sallone të bukura që  janë përdorur në përgjithësi për gratë që merrnin pjesë në ceremonitë fetare. Pjesa e brendshme e saj u dekorua nga vëllezërit Karini dhe një grup mjeshtrash italianë, ndërsa për veshjen artistike të minareve me kaligrafi arabe u angazhua vullnetarisht artisti Shefqet Kraja. Nga fundi i vitit 1967, Xhamia e Parrucës iu bashkua numrit të lartë të objekteve të kultit që u shkatërruan nga ideologjia anti-fetare komuniste. Në oborrin e xhamisë, kishte tyrben e tij Mehmet Pashë Plaku, Pashai i Shkodrës në vitet 1768-1774. Xhamia e Parrucës u rindërtua në vitin 2006, për t’u inaguruar në vitin 2007.